កំពង់ស្ពឺ៖ នាព្រឹកថ្ងៃទី២៣ ខែកុម្ភៈ ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំក្រុមការងារកងរាជអាវុធហត្ថខេត្តកំពង់ស្ពឺ និងមានការចូលរួមយ៉ាងសកម្មក្រុមការងារសហភាពសហព័ន្ធយុវជនខេត្តកំពង់ស្ពឺ រួមព្រមទាំងមានការចូលរួមពីរអ្នកស្ម័គ្រចិត្កកាកបាទក្រហមកម្ពុជាខេត្តកំពង់ស្ពឺ ចុះសួរសុខទុក្ខ លោកជំទាវ សម នឿន ត្រូវជាភរិយា ឯកឧត្តម លី សុន ទីប្រឹក្សាក្រសួងមុខងារសាធារណៈ និងជាប្រធានក្រុមការងារចុះមូលដ្ឋានក្រុងឧដុង្គម៉ែជ័យ ខេត្តកំពង់ស្ពឺ ដែលបច្ចុប្បន្នលោកជំទាវកំពុងសម្រាកថែទាំសុខភាពព្យាបាលដៃ នៅគេហដ្ឋានស្ថិតក្នុងបុរីពិភពថ្មី ផ្លូវលេខ៣ សង្កាត់ច្រាំងចម្រេះ២ ខណ្ឌឬស្សីកែវ រាជធានីភ្នំពេញ។
នាឱកាសនោះសួរសុខទុក្ខនោះផងដែរ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ រួមជាមួយនិងក្រុមការងារ បានសំណេះសំណាល សម្តែងការគួរសម ជាមួយឯកឧត្តម លី សុន និងលោកជំទាវ សម នឿន ត្រូវជាភរិយា ដោយបានជូនពរឲ្យឆាប់បានជាសះស្បើយពីជំងឺ និងមានសុខភាពល្អប្រសើរជាធម្មតាវិញផងដែរ ជាពិសេសជាទឹកចិត្តគោរពស្រលាញ់ក៏បាននាំយកនូវផ្លែឈើ ១កន្ទ្រក់ រួមទាំងសម្ភារៈគ្រឿងឧបភោគ បរិភោគរួមមាន៖ អង្ករ ៤បាវ, ទឹកសុទ្ធ ៤កេះ, មី ៤កេះ និងទឹកផ្លែឈើ ២កេះថែមទៀតផងដែរ ៕
