កំពង់ស្ពឺ៖ នៅថ្ងៃទី២៧ ខែកុម្ភៈ ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំកម្លាំងកងរាជអាវុធហត្ថ ចូលរួមប្រជុំផែនការការពារ សុខសុវត្ថិភាព និងរក្សាសណ្តាប់ធ្នាប់ ជូនលោកជំទាវ ពេជ ចន្ទមន្នី ហ៊ុន ម៉ាណែត នឹងអញ្ជើញជាអធិបតីដ៏ខ្ពង់ខ្ពស់ ក្នុងពិធីពិនិត្យនិងព្យាបាលជម្ងឺរបស់ក្រុមគ្រូពេទ្យស្ម័គ្រចិត្តយុវជនសម្តេចតេជោ។
ក្នុងកិច្ចប្រជុំនេះដំណើការទៅក្រោមអធិបតីភាព ឯកឧត្តម នាយឧត្តមសេនីយ៍ ជួន សុវណ្ណ រដ្ឋមន្ត្រីប្រតិភូអមសម្ដេចនាយករដ្ឋមន្ត្រី និងឯកឧត្តម ឧត្តមសេនីយ៍ឯក អ៊ុង សារិទ្ធ មេបញ្ជាការរង និងជានាយសេនាធិការ បញ្ជាការដ្ឋានអង្គរក្ស រួមនិងឯកឧត្តម តូច ប៉ូលីវ៉ា អភិបាលរង នៃគណអភិបាលខេត្តកំពង់ស្ពឺ ព្រមទាំងកម្លាំងពាក់ព័ន្ធ។ ដោយកម្លាំងកងរាជអាវុធបានរៀបចំផែនការការពារ ដោយបានធ្វើការបន្សីគ្នាជាមួយនឹងផែនការរបស់បញ្ជាការដ្ឋានអង្គរក្ស និងគណៈបញ្ជាការឯកភាពខេត្ត បានរួចរាល់។ ដោយកងរាជអាវុធហត្ថខេត្តកំពង់ស្ពឺ មានតួនាទីការពារសន្តិសុខ សុវត្ថិភាព និងការពារតម្រាយផ្លូវធ្វើ ដំណើរបស់គណៈអធិបតី និងប្រតិភូរអមដំណើរគ្រប់លំដាប់ថ្នាក់ ៕
