កំពង់ស្ពឺ៖ នាថ្ងៃអាទិត្យ ទី១១ ខែមករា ឆ្នាំ២០២៦នេះ លោក កៅ រតនា អនុប្រធានក្រុមងារចុះមូលដ្ឋានឃុំអមលាំង ជាតំណាង លោក ម៉េង ស្រ៊ុន សមាជិកគណៈអចិន្រ្តៃយ៍គណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រងសមាជិក ខ២៦.២ បានអញ្ជើញដឹកនាំកិច្ចប្រជុំបូកសរុបការងារគណបក្សប្រចាំខែធ្នូ និងលើកទិសដៅបន្តខែមករា ឆ្នាំ២០២៦ ស្ថិតនៅគណបក្សឃុំអមលាំង ស្រុកថ្ពង ខេត្តកំពង់ស្ពឺ។ ក្នុងវិធីនេះមានការអញ្ជើញចូលរួមពីសំណាក់ លោក-លោកស្រី ក្រុមការងារស្រុកចុះមូលដ្ឋានឃុំ ព្រមទាំងលោក-លោកស្រី សាខាបក្សភូមិ ហើយលោក កៅ រតនា ក៏បានឧបត្ភម្តនូវថវិកា ចំនួន ១០០,០០០៛ ជូនកម្លាំងប៉ុស្តិ៍ និងប្រជាការពារ ៥នាក់ ព្រមទាំងបាននាំយកនូវ អំពូលសូឡាបំភ្លឺភ្លើង ០១ឈុត រួមទាំងទឹកបរិសុទ្ធ ០៣កេស ផងដែរ ដែលជាទឹកចិត្តរបស់លោក ម៉េង ស្រ៊ុន សមាជិកគណៈអចិន្រ្តៃយ៍គណៈកម្មាធិការគណបក្សខេត្តកំពង់ស្ពឺ ៕
