កំពង់ស្ពឺ៖ ដោយបានការអនុញ្ញាតពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាព្រឹកថ្ងៃទី២៦ ខែធ្នូ ឆ្នាំ២០២៥ លោកវរសេនីយ៍ឯក ចាន់ ដា មេបញ្ជាការរង ជាតំណាងលោកឧត្តមសេនីយ៍ត្រី មេបញ្ជាការ បានអញ្ជើញដឹកនាំក្រុមការងារកងវាជអាវុធហត្ថខេត្តកំពង់ស្ពឺ នាំយកនូវថវិកាប្រគល់ជូនដល់សាខាកាកបាទក្រហមខេត្តកំពង់ស្ពឺ ចំនួន ៣.៤៥៥.០០០៛ (បីលានសែសិបប្រាំមុឺនប្រាំពាន់រៀល)។
នាពេលនោះដែរ លោកវរសេនីយ៍ឯក ចាន់ ដា រួមនិងក្រុមការងារកងរាជអាវុធហត្ថ បានសំណេះសំណាល និងបានពាំនាំនូវការសួរសុខទុក្ខ ព្រមទាំងកោតសរសើរ របស់លោកឧត្តមសេនីយ៍ត្រី មេបញ្ជាការ ចំពោះសាខាកាកបាទក្រហមកម្ពុជាខេត្តកំពង់ស្ពឺ នាពេលកន្លងមកបានបំពេញការងារយ៉ាងសកម្មក្នុងការជួយសម្រួលរាល់ការលំបាកដល់ប្រជាជនរងគ្រោះ និងងាយរងគ្រោះបំផុតនៅក្នុងមូលដ្ឋានខេត្តកំពង់ស្ពឺទាំងមូល ស្របតាមទិសស្លោក "សកម្មភាពនៅមូលដ្ឋាន សម្រេចបានគោលដៅសាកល" ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយសកាកបាទក្រហមកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ព្រមទាំងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ដ្រៃយ៍ កាកបាទក្រហមកម្ពុជា ដែលតែងតែយកចិត្តទុក្ខដាក់រាល់សកម្មភាពរបស់សាខា រាជធានី/ខេត្ត ពិសេសសាខាកាកបាទក្រហមកម្ពុជាខេត្តកំពង់ស្ពឺ ក្រោមការដឹកនាំរបស់ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ស្ពឺ ដើម្បីបន្តបេសកកម្មបេះដូងមនុស្សធម៌ ផងដែរ ៕
