កំពង់ស្ពឺ៖ នាព្រឹកថ្ងៃទី២៦ ខែធ្នូ ឆ្នាំ២០២៥នេះ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញជួបសំណេះសំណាល សួរសុខទុក្ខ និងឧបត្ថម្ភសម្ភារៈគ្រឿងឧបភោគបរិភោគដល់ឯកឧត្តម លី សុន ទីប្រឹក្សាក្រសួងមុខងារសាធារណៈ និងជាប្រធានក្រុមការងារចុះមូលដ្ឋានក្រុងឧដុង្គម៉ែជ័យ។
នាពេលនោះផងដែរ លោកឧត្តមសេនីយ៍ត្រី ម៉េង ស្រ៊ុន បានសំដែងនូវការគោរពស្រលាញ់ដោយក្តីនឹករលឹកជាខ្លាំងចំពោះ ឯកឧត្តម លី សុន ព្រមទាំងបានជូនពរជ័យឲ្យ ឯកឧត្តម ព្រមទាំងលោកជំទាវ និងក្រុមគ្រួសារ បានប្រកបតែសុខភាពល្អ បរិបូរណ៍ជានិរន្តរ៍ ជាពិសេសក៏បានឧបត្ថម្ភនូវសម្ភារៈគ្រឿងឧបភោគបរិភោគមួយចំនួនទៀតផងដែរជូនដល់ ឯកឧត្តម លី សុន រួមមាន៖ អង្ករចំនួន ២០ការ៉ុង, ទឹកចំនួន ២០កេស, ទឹកក្រូច ទឹកផ្លែឈើចំនួន ១០កេស, មីជាតិចំនួន ១០កេស, ទឹកត្រីចំនួន ១០យួរ និងទឹកស៊ីអ៊ីវចំនួន ១០យួរថែមទៀតផងដែរ ដែលជាទឹករបស់ដ៏ថ្លៃថ្លា លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ចំពោះ ឯកឧត្តម លី សុន និងលោកជំទាវ ៕
