មណ្ឌលគិរី៖ នាព្រឹកថ្ងៃចន្ទ ទី១៨ ខែវិច្ឆិកា ឆ្នាំ២០២៥ ឯកឧត្តម នាយឧត្តមសេនីយ៍ ពិន ពិសិដ្ឋ ប្រធានក្រុមប្រតិបត្តិការទី២ និង ឯកឧត្តម ឧត្តមសេនីយ៍ឯក ស សេរីវិចិត្រ អនុប្រធានក្រុមប្រតិបត្តិការទី២ និងជាប្រធានចុះត្រួតពិនិត្យគោលដៅ ខេត្ដមណ្ឌលគិរី ខេត្តរតនគីរី បានដឹកនាំក្រុមការងារ នៃអគ្គនាយកដ្ឋានអន្តោប្រវេសន៍ ដោយមានការចូលរួមសហការជាមួយលោកឧត្តមសេនីយ៍ត្រី ទៀង សៅរតន៍ ស្នងការរងទទួលផែនអន្តោប្រវេសន៍ខេត្តមណ្ឌលគិរី ព្រមទាំងមន្ត្រីជំនាញចុះត្រួតពិនិត្យវត្តមានស្នាក់នៅរបស់ជនបរទេស និងពិនិត្យផ្ទៀងផ្ទាត់ក្នុងប្រព័ន្ធ FPCS នៅសណ្ឋាគារ ផ្ទះសំណាក់ រីស៊ត ចំនួន ៤ទីតាំង ដែលស្ថិតនៅសង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី រួមមាន៖ សណ្ឋាគារ អេម៉ារីអូ, ភ្នំសាងស្នេហ៍ រីស៊ត, សណ្ឋាគារ អឿន សកុណា និងសណ្ឋាគារ អេង ធីតា ៕
