ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ នៅថ្ងៃទី២៨ ខែតុលា ឆ្នាំ២០២៥ បានអញ្ជើញចុះពិនិត្យ និងវាយតម្លៃស្ថានភាពជំនន់ទន្លេសាបដែលឡើងលិចបង្កឲ្យប៉ះពាល់ស្រូវប្រជាកសិករ ក្នុងភូមិក្តីឈ្វិត, ភូមិត្រង់, ភូមិព្រីងខ្ពស់ ឃុំស្រែស្តុក ស្រុកកណ្តៀង ខេត្តពោធិ៍សាត់។
ដោយមានការចូលរួមលោកប្រធានមន្ទីរ និងមន្ត្រីជំនាញ ដោយមានការចូលរួមពីអជ្ញាធរស្រុក ឃុំ ភូមិ និងលេខាធិការដ្ឋានគ្រោះមហន្តរាយខេត្ត។
-ជាលទ្ធផលនៃការជន់លិចក្នុងស្រុកកណ្តៀង មានឃុំចំនួន៥ (ស្វាយលួង, អន្លង់វិល, កញ្ជរ, ស្រែស្តុក, កោះជុំ) ស្មើនឹង ២៩ភូមិ ប្រជាពលរដ្ឋ ៦២០គ្រួសារ។
-ផ្ទៃដីរងផលប៉ះពាល់សរុប ១.១៩៨ហិចតា នៃផ្ទៃដីអនុវត្ត ៣១.១៤៣ហិចតា (ក្នុងនោះប៉ះពាល់ដំណាំស្រូវកណ្តាល ៣៥ហិចតា, ធ្ងន់ ២៨ហិចតា, បង្កើនរដូវ ១.១៣៥ហិចតា)។
-មន្ទីរកសិកម្ម និងរដ្ឋបាលស្រុក កំពុងសហការចាត់មន្រ្តីជំនាញ និងមន្រ្តីកសិកម្មឃុំ ចុះវាយតម្លៃការខូចខាត ៕
