ភ្នំពេញ៖ នាព្រឹកថ្ងៃអង្គារ ១០កើត ខែភទ្របទ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២ ខែកញ្ញា ឆ្នាំ២០២៥ ឯកឧត្តម ឧត្តមសេនីយ៍ឯក ស សេរីវិចិត្រ អគ្គនាយករងអន្តោប្រវេសន៍ តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានដឹកនាំក្រុមការងារ នាយកដ្ឋានជនបរទេសមិនមែនអន្តោប្រវេសន្ត នាយកដ្ឋានច្រកទ្វារទី១ និងនាយកដ្ឋានបច្ចេកវិទ្យាពត៌មានអន្តោប្រវេសន៍ ចូលរួមក្នុងកិច្ចប្រជុំគណៈកម្មាធិការ ORAT ដើម្បីពិនិត្យ និងតាមដានការងារជាមួយអង្គភាពពាក់ព័ន្ធដែលមិនទាន់បញ្ចប់ និងពិភាក្សាលើផែនការហោះហើរពិតប្រាកដនៅថ្ងៃទី៤ ខែកញ្ញា ឆ្នាំ២០២៥ ក្រោមអធិបតីភាព ឯកឧត្តម ជា អូន រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល នៅអាកាសយានដ្ឋានអន្តរជាតិតេជោ ៕
