ភ្នំពេញ៖ នាព្រឹកថ្ងៃសុក្រ ទី១ ខែសីហា ឆ្នាំ២០២៥នេះ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាលក្រសួងមហាផ្ទៃនិងអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកបវេល ខេត្តបាត់ដំបង បានអញ្ជើញអមដំណើរ ឯកឧត្តម សក់ សេដ្ឋា ទេសរដ្ឋមន្រ្តីទទួលបន្ទុកបេសកកម្មពិសេសនិងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបវេល ខេត្តបាត់ដំបង ចុះសួរសុខទុក្ខពលករដែលបានត្រឡប់មកពីប្រទេសថៃវិញ នៅក្នុងភូមិឃុំនៃស្រុកបវេល ខេត្តបាត់ដំបង។
ជាមួយគ្នានេះ នៅព្រឹកថ្ងៃខែឆ្នាំដដែល ឯកឧត្តមប្រធាន និងអនុប្រធានក្រុមការងារក៏បានបន្តចុះសួរសុខទុក្ខរបស់បងប្អូនអាជីវករ ដើម្បីស្វែងយល់ និងពិនិត្យមើលអំពីស្ថានភាពទូទៅនៃការលក់ដូររបស់អាជីវករក្នុងផ្សារបវេល ស្រុកបវេល ខេត្តបាត់ដំបង ៕
