ភ្នំពេញ៖ នាព្រឹកថ្ងៃចន្ទ ទី១៨ ខែសីហា ឆ្នាំ២០២៥ លោកឧត្ដមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានដឹកនាំកងកម្លាំងនគរបាលអញ្ជើញចុះសួរសុខទុក្ខ គ្រួសារវីរៈកងទ័ព ចំនួន ០២គ្រួសារ រួមមាន៖
-កូនប្រុស ០២នាក់ របស់លោក សេក សំណាង ដែលបានជាប់បំពេញភារកិច្ចកាពារទឹកដីនៅសមរភូមិជួរមុខតំបន់មុំបី បានយកកូនមកផ្ញើនិងព្រះគ្រូចៅអធិការ វត្តសន្តិភាព ស្ថិតនៅភូមិចុងព្រែក សង្កាត់ស្វាយរៀង ក្រុងស្វាយរៀង ខេត្តស្វាយរៀង។
-គ្រួសារ របស់លោកអនុសេនីយ៍ត្រី ជុំ សុធា (រងរបួសភ្លៅខាងស្ដាំ) បម្រើការងារនៅទីបញ្ជាការកងពលធំលេខ២ ឈរជើងនៅទីបញ្ជាការសមរភូមិទិសទី៣ (ប្រាសាទតាមាន់ និងប្រាសាទតាក្របី) ខេត្តឧត្តរមានជ័យ ដែលមានទីលំនៅរស់នៅភូមិជៀសឬស្សី ឃុំកំពង់ចំឡង ស្រុកស្វាយជ្រំ ខេត្តស្វាយរៀង។
ក្នុងពិធីនេះ លោកឧត្ដមសេនីយ៍ទោ និងក្រុមការងារ បានយកថវិកា ជូនក្នុង ០១គ្រួសារ ទទួលបានថវិកា ១,០០០,០០០រៀល, អង្ករ ៥០គីឡូ, មី ០២កេស និងទឹកសុទ្ធ ១០កេស សរុបថវិកា ២,០០០,០០០រៀល, អង្ករ ១០០គីឡូ, មី ០៤កេស និងទឹកបរិសុទ្ធ ២០កេស ៕
