ភ្នំពេញ៖ នៅវិមាន៧មករា រាជធានីភ្នំពេញ នារសៀលថ្ងៃសុក្រ ទី២២ ខែសីហា ឆ្នាំ២០២៥នេះ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្ដាល បានអញ្ជើញដឹកនាំកិច្ចប្រជុំគណៈប្រចាំការ នៃគណៈអចិន្ត្រៃយ៍យុវជនគណបក្សថ្នាក់កណ្តាល លើកទី១៣។
កិច្ចប្រជុំនេះ ក៏មានការចូលរួមពី ឯកឧត្តម លោកជំទាវ អនុប្រធាន សមាជិក សមាជិកា គណៈប្រចាំការនៃគណៈអចិន្ត្រៃយ៍យុវជនគណបក្សថា្នក់កណ្តាល, ឯកឧត្តមប្រធាន-អនុប្រធានផ្នែកហិរញ្ញវត្ថុ, ឯកឧត្តមអនុប្រធានលេខាធិការដ្ឋាន និងឯកឧត្តមប្រធានក្រុមការងារនីតិកម្ម ព្រមទាំងលោក លោកស្រី ជាមន្រ្តីបក្សប្រចាំយុវជនគណបក្សថ្នាក់កណ្តាល និងមន្រ្តីក្រុមជំនួយការលេខាធិការដ្ឋានគណ:ប្រចាំ។
កិច្ចប្រជុំគណៈប្រចាំការនៃគណៈអចិន្ត្រៃយ៍យុវជន ថ្នាក់កណ្ដាល បានពិនិត្យនិងអនុម័តលើរបៀបវារៈសំខាន់ៗមួយចំនួន សំដៅធានាប្រសិទ្ធភាព និងនិរន្តភាពការងារយុវជនគណបក្សប្រជាជនកម្ពុជា ៕
