កំពង់ស្ពឺ៖ដោយមានការយកចិត្តទុកដាក់ពីសំណាក់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ
============================================
នាថ្ងៃព្រហស្បតិ៍ ៥កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែសីហា ឆ្នាំ២០២៥នេះ ចាប់តាំងពីព្រលឹមស្រាងៗក
ម្លាំងកងរាជអាវុធហត្ថខេត្តកំពង់ស្ពឺ បានចុះតាមគោលដៅ ដើម្បីការពារ សន្តិសុខ រក្សាសុវត្ថិភាព និងសណ្តាប់ធ្នាប់ ជូនសិស្សានុសិស្សដែលមកប្រឡងមធ្យមសិក្សាទុតិយភូមិ ឆ្នាំ២០២៥ ដើម្បីបង្កភាពងាយស្រួល និងមានសណ្ដាប់ធ្នាប់ល្អកំឡុងពេលប្រឡងមធ្យមសិក្សាទុតិយភូមិ សម្រាប់ឆ្នាំសិក្សា ២០២៤-២០២៥ ក្នុងភូមិសាស្ត្រខេត្តកំពង់ស្ពឺ ដោយស្មារតីយកចិត្តទុកដាក់ខ្ពស់បំផុត ដើម្បីធានារក្សាការពារឱ្យបាននូវសន្ដិសុខ សណ្ដាប់ធ្នាប់ ធ្វើយ៉ាងណាឱ្យការប្រឡងប្រព្រឹត្តទៅបានដោយល្អប្រសើរ ។កម្លាំងកងរាជអាវុធហត្ថខេត្តកំពង់ស្ពឺ ក៏សូមជូនពរដល់ប្អូនៗសិស្សានុសិស្ស ឱ្យប្រឡងជាប់ និងទទួលបាននិទ្ទេសល្អគ្រប់ៗគ្នា ដើម្បីក្លាយខ្លួនជាយុវជនដែលជាទំពាំងស្នងឫស្សីចូលរួមបម្រើសង្គមជាតិ និងអភិវឌ្ឍប្រទេសជាតិឱ្យកាន់មានភាពរីកចម្រើន៕
