ឯកឧត្តម ហេង សួរ ចុះសំណេះសំណាល សួរសុខទុក្ខ និងនាំយកអំណោយជាគ្រឿងឧបភោគបរិភោគ ចែកជូនជនភៀសសឹកចំនួន ៧៩១គ្រួសារ ក្នុងបរិវេណវត្តសំវរៈសិលា

ភ្នំពេញ៖ នាព្រឹកថ្ងៃទី៨ ខែសីហា ឆ្នាំ២០២៥ ឯកឧត្តម ហេង សួរ ប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា នៅទ្វីបអាស៊ីខាងកើត និងអាគ្នេយ៍ (ESEA) បានដឹកនាំក្រុមការងារ និងសមាជិកក្រុមការងារប្រចាំនៅសាធារណរដ្ឋកូរ៉េ ចុះសំណេះសំណាល សួរសុខទុក្ខ និងនាំយកអំណោយជាគ្រឿងឧបភោគបរិភោគ ចែកជូនប្រជាពលរដ្ឋជាជនភៀសសឹកចំនួន ៧៩១គ្រួសារ ស្មើនឹង ៣.៥៣៣នាក់ នៅក្នុងបរិវេណវត្តសំវរៈសិលា (ហៅវត្តបាក់កាំ) ភូមិបាក់កាំ ឃុំឈានមុខ ស្រុកត្បែងមានជ័យ ខេត្តព្រះវិហារ។ ក្នុងឱកាសនោះ ក៏មានការចូលរួមពីសំណាក់ លោក នុត សោភ័ណ្ឌ អភិបាលស្រុកត្បែងមានជ័យ ខេត្តព្រះវិហារ និងអាជ្ញាធរមូលដ្ឋានផងដែរ ៕