យោងពាក្យបណ្ដឹងរបស់ជនរងគ្រោះឈ្មោះ ភឿង សំបាន ភេទប្រុស អាយុ ៥០ឆ្នាំ ជនជាតិខ្មែរ ឃុំនគរភាស ស្រុកអង្គរជុំ ខេត្តសៀមរាប បានចោទប្រកាន់ទៅលើ ឈ្មោះ យុង ផាយីន ភេទប្រុស អាយុ ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្ន ភូមិចំបក់ ឃុំចំបក់ ស្រុកម៉ាល័យ ខេត្តបន្ទាយមានជ័យ ។
កាលពីម៉ោង ១៣:១៥នាទី ថ្ងៃទី០៥ ខែសីហា ឆ្នាំ២០២៥ ជនសង្ស័យបានខ្ចីម៉ូតូទៅផឹកកាហ្វេមួយភ្លែត ស្រាប់តែបាត់រហូត នៅវេលាម៉ោង១៨:០០នាទី ថ្ងៃទី ១១ ខែសីហា ឆ្នាំ២០២៥ កម្លាំងមន្ទីរស្រាវជ្រាវ និងបង្ក្រាបបទល្មើស អង្គភាពនគរបាលយុត្តិធម៌ និងមន្ទីរស្រាវជ្រាវព័ត៌មានសន្តិសុខ បានចុះធ្វើការស្រាវជ្រាវ ឃាត់ខ្លួនជនសង្ស័យខាងលើ នៅចំណុចភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប។
វត្ថុតាងចាប់យករួមមាន៖
១. ម៉ូតូ ០១គ្រឿងម៉ាក HONDA DREAM ពណ៌ខ្មៅ ឆ្នាំ២០២៣ ពាក់ផ្លាកលេខ សៀមរាប 1AP-9349 (ជារបស់ជនរងគ្រោះ)
២. ទូរសព្ទដៃចំនួន ០២គ្រឿងៈ (OPPO ចំនួន ០១គ្រឿង-និង realme ចំនួន ០១គ្រឿង)។
បច្ចុប្បន្ន៖ ជនសង្ស័យត្រូវបានការិយាល័យជំនាញកសាងសំណុំរឿង ដើម្បីអនុវត្តតាមនីតិវិធី។
