ភ្នំពេញ៖ នាព្រឹកថ្ងៃទី១២ ខែសីហា ឆ្នាំ២០២៥ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំកិច្ចប្រជុំផ្ដល់ការណែនាំអំពីការរៀបចំទម្រង់របាយការណ៍សម្រាប់ការសិក្សាស្វែងយល់អំពីស្ថានភាពនៃការរៀបចំ និងការប្រព្រឹត្តទៅនៃរចនាសម្ព័ន្ធ ប្រព័ន្ធគ្រប់គ្រង និងមុខងាររបស់រដ្ឋបាលរាជធានី ខេត្ត និងក្រុង ស្រុក ខណ្ឌ។
កិច្ចប្រជុំនេះ ធ្វើឡើងតាមប្រព័ន្ធអនឡាញ (Zoom) ដោយមានការអញ្ជើញពីថ្នាក់ដឹកនាំ និងមន្ដ្រីនៃរដ្ឋបាលរាជធានី ខេត្ត និងរដ្ឋបាលក្រុង ស្រុក ខណ្ឌ ព្រមទាំងថ្នាក់ដឹកនាំនិងមន្ដ្រីបច្ចេកទេសអគ្គនាយកដ្ឋានរដ្ឋបាល ក្រសួងមហាផ្ទៃ និងលេខាធិការដ្ឋាន គ.ជ.អ.ប. សរុបប្រមាណ១៤០គណនី ៕
