ភ្នំពេញ៖ នាព្រឹកថ្ងៃទី២៣ ខែសីហាឆ្នាំ២០២៥ ឯកឧត្តម ញ៉ែម សំអឿន អភិបាល នៃគណៈអភិបាលខេត្តរតនគិរី បានដឹកនាំប្រតិភូខេត្តរតនគិរី នាំយកស្បៀងអាហារ និងថវិកា ដែលជាអំណោយដែលបានមកពីប្រជាពលរដ្ឋ និងសម្បុរសធម៌ក្នុងខេត្តរតនគិរី ជូនវីរៈកងទ័ពសមរភូមិមុខទិសព្រះវិហារ។
ស្បៀងអាហារនិងថវិកាទាំងនេះប្រគល់ជូននៅកងពលធំ អន្តរាគមន៍លេខ ៣សមរភូមិមុខ និងកងពលលេខ១២៨ ភូមិភាគ១ និងទីបញ្ជាការស្រាលភូមិភាគ ១ ទិសព្រះវិហារ។ អំណោយទាំងនោះរួមមានដូចជា ម៉ូតូហុងដាវេវចំនួន ២គ្រឿង ថវិការសរុបចំនួន ៩០.០០០.០០០រៀល អង្ករសរុប ១២,៩តោន ទឹកសុទ្ធ ៣០០កេស មីកេសធំ ១២០កេស មីកេសតូច ៦៧៥កេស ទឹកផ្លែឈើ ១៨៧កេស ត្រីខកំប៉ុងកេសធំ ១៣កេស និងគ្រឿងឧបភោគបរិភោគ សម្ភារៈប្រើប្រាស់មួយចំនួនទៀត។
អភិបាលខេត្តរតនគិរី ក៏បានអញ្ជើញចុះសួរសុខទុក្ខកងកម្លាំងដែលសម្រាកព្យាបាលនៅមន្ទីរពេទ្យខេត្តព្រះវិហារ សរុប ១១០នាក់ ដោយក្នុងម្នាក់ៗទទួលបានថវិកា ៥០.០០០រៀល និងឧបត្ថម្ភថវិកាជូនមន្ទីរពេទ្យខេត្តព្រះវិហារ ថវិកាចំនួន ៥.០០០.០០០រៀល ផងដែរ ៕
