ភ្នំពេញ៖ នារសៀលថ្ងៃសៅរ៍ ១០កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៥ ខែកក្កដា ឆ្នាំ២០២៥នេះ ឯកឧត្តម ថោ ជេដ្ឋា អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទោង បានអញ្ជើញចុះពិនិត្យវឌ្ឍនភាពការងារសាងសង់អគារស្នាក់ការគណបក្សស្រុកស្ទោងថ្មី។
សូមជម្រាបថា ការសាងសង់អគារស្នាក់ការគណបក្សស្រុកស្ទោងថ្មី គឺដើម្បីជំនួសអគារស្នាក់ការគណបក្សចាស់ដែលមានសភាពទ្រុឌទ្រោម។ ការងារសាងសង់បានចាប់ផ្តើមកាលពីថ្ងៃទី២៨ ខែកុម្ភៈ ឆ្នាំ២០២៥ នៅលើផ្ទៃដីប្រមាណ ២ហិកតា ដែលមានលទ្ធភាពប្រជុំសមាជិកបក្សសរុបចំនួន ១.០០០នាក់ ព្រមទាំងមានទីធ្លាហាត់កីឡា បណ្ណាល័យ និងសួនច្បារសម្រាប់បងប្អូនប្រជាពលរដ្ឋចូលលេងកម្សាន្ត ៕
