ឧត្តមសេនីយ៍ឯក យឹម លាង ជួបពិភាក្សាជាមួយក្រុមសន្តិសុខនាំមុខសិង្ហបុរី ស្ដីពីភារកិច្ចត្រូវត្រៀមការពារសន្តិសុខ សណ្ដាប់ធ្នាប់ និងសុវត្ថិភាពជូន នាយករដ្ឋមន្ត្រីសិង្ហបុរី ក្នុងដំណើរទស្សនកិច្ចផ្លូវការនៅកម្ពុជា

ភ្នំពេញ៖ នៅនាយកដ្ឋានអង្គរក្ស នាព្រឹកថ្ងៃចន្ទ ៦កើត ខែអាសាឍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១ ខែកក្កដា ឆ្នាំ២០២៥ ឯកឧត្ដម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំ នាយកដ្ឋានអង្គរក្ស តំណាងដ៏ខ្ពង់ខ្ពស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ និងលោកឧត្ដមសេនីយ៏ឯក ជុំ សាវុឌ្ឍ ប្រធាននាយកដ្ឋានអង្គរក្ស ព្រមទាំងមន្រ្តីជំនាញ អញ្ជើញជួបពិភាក្សាជាមួយក្រុមសន្តិសុខនាំមុខ នៃសាធារណរដ្ឋសិង្ហបុរី ដឹកនាំដោយ លោក KOH WEI KEONG ជំនួយការរង នៃស្នងការនគរបាល និងជាមេបញ្ជាការក្រុមសន្តិសុខនាំមុខ ស្ដីពីភារកិច្ចត្រូវត្រៀមការពារសន្តិសុខ សណ្ដាប់ធ្នាប់ និងសុវត្ថិភាពជូន ឯកឧត្ដម LAWRENCE WONG នាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុ នៃសាធារណរដ្ឋសិង្ហបុរី និងលោកជំទាវ ក្នុងដំណើរទស្សនកិច្ចផ្លូវការនៅព្រះរាជាណាចក្រកម្ពុជា នាពេលខាងមុខ ៕