ភ្នំពេញ៖ នាព្រឹកថ្ងៃព្រហស្បតិ៍ ៨កើត ខែអាសាឍ ឆ្នាំម្សាញ់ ព.ស.២៥៦៩ ត្រូវនឹងថ្ងៃទី៣ ខែកក្កដា ឆ្នាំ២០២៥ ឯកឧត្តមបណ្ឌិត ហ៊ឺ វីរៈ សមាជិកគណៈកម្មាធិការកណ្ដាលគណបក្ស និងជាប្រធានក្រុមការងារគណបក្សចុះមូលដ្ឋានស្រុកកំពង់ត្រឡាច អមដំណើរដោយក្រុមការងារគណបក្សចុះមូលដ្ឋានស្រុកកំពង់ត្រឡាច និងសមាជិក សមាជិកាគណៈកម្មាធិការគណបក្សឃុំអូរឫស្សី បានអញ្ជើញពិនិត្យមើលវឌ្ឍនភាព នៃការសាងសង់សាលប្រជុំ នៅស្នាក់ការគណបក្សឃុំអូឬស្សី ស្ថិតនៅឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង។
ក្នុងឱកាសនោះដែរ ឯកឧត្តមបណ្ឌិត បានកោតសរសើរ និងវាយតម្លៃខ្ពស់ចំពោះក្រុមការងារគណបក្សចុះមូលដ្ឋានឃុំអូរឬស្សី និងគណៈកម្មាធិការគណបក្សឃុំ ដែលបានសហការគ្នា អំពាវនាវរកមូលនិធិ ដេីម្បីទ្រទ្រង់ក្នុងការសាងសង់ស្នាក់ការ និងសម្រេចបានចេញជាសមិទ្ធផលមួយនេះ សម្រាប់ប្រេីប្រាស់តាមតម្រូវការរបស់គណៈកម្មាធិការគណបក្សឃុំ។ ក្នុងនោះដែរ ឯកឧត្តមបណ្ឌិត ក៏បានចូលរួមចំណែកឧបត្ថម្ភថវិកាក្នុងការសាងសង់ចំនួន ៤,០០០,០០០រៀល ៕
