ភ្នំពេញ៖ នាល្ងាចថ្ងៃព្រហស្បតិ៍ ៦កើត ខែស្រាពណ៍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៣១ ខែកក្កដា ឆ្នាំ២០២៥ ឯកឧត្តម ស សេរីវិចិត្រ ប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា តំបន់ឆ្នេរខាងលិច នៅសហរដ្ឋអាមេរិក បានដឹកនាំក្រុមការងារ អញ្ជើញចូលរួមរំលែកទុក្ខជាមួយក្រុមគ្រួសារ ឯកឧត្តម ទីន សុវណ្ណនី អនុប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា ទទួលបន្ទុករដ្ឋខូឡូរ៉ាដូ ក្នុងតំបន់ឆ្នេរខាងលិច នៅសហរដ្ឋអាមេរិក ចំពោះការបាត់បង់ លោកជំទាវ ឃិន ហឿង ត្រូវជាភរិយាជាទីស្រឡាញ់ ដែលបានទទួលអនិច្ចកម្មក្នុងជន្មាយុ ៥៥ឆ្នាំ ដោយរោគាពាធ។
ជាមួយសមានទុក្ខដ៏សែនក្រៀមក្រំនេះ ឯកឧត្តម ស សេរីវិចិត្រ សូមឧទ្ទិសបួងសួងដល់ឌួងវិញ្ញាណក្ខន្ធ លោកជំទាវ ឃិន ហឿង បានសោយសុខក្នុងសុគតិភពកុំបីឃ្លៀងឃ្លាតឡើយ ៕
